Posts

Showing posts from May, 2023

185. Mwathani Jesû mbarîîria

 1.  Mwathani Jesû, mbarîîria,  Nikenda mbarîîria antũ;  O ta uria Gwe uncwîte,  Tüma ncwa barĩa baûrîte. 2.  Mwathani Jesû, ntongeeria,  Nani ntongeerie ereeri;  Ûmpe biakuria bia mwoyo,  'Menye kûmathîra bangî. 3.  Mwathani, mpanda na inya,  Nîkenda mpûmba güteethia  Barîa batigeerie beco  Bakiindwa ni mûnthu wetû. 4.  Mwathani, ûnditanage  Nteto cia Wonokio bwaku,  Nîkenda ngacikürükia  Ikuumbo bia nkoro cionthe. 5.  Ûboorerie nkoro yakwa,  Kenda rwaria rwakwa runthe  Rüükîria nkoro cia barĩa  Boojûri nî mîthangîko. 6.  Mwathani, ndî nthûmba yaku,  Mbatha ngûteethie, ngûkumie;  Mwanka rîrîa tûkoonana,  Ûngaire kûgwîrua gwaku.

186. Mwathani, igua maromba

 1.  Mwathani, igua maromba  Ja nthûmba ciaku iniini;  Twakîte nyomba îî yaku,  Twakwerenca umĩambîîrie. 2.  Eethia nyomba îjî antũ,  Aria Gwe ŭrombagirwa;  Ithuganio rîrîthüüku  Rîtîkarîkuruke ku. 3.  Antu ba meeyia bamîîja  Boone njîra ya kwonokua;  Na barĩa barî mookîe-ne  Ûbeebeerie mîthangîko. 4.  Nogokia barîa banogi,  Ûtüme barikia inya;  Na barîa bari kaûrîro  Boone njîra îrûngami. 5.  No Nkuma ya Jesû yonka Iria îkaigîgagua ku; Na Riitwa riu rîkumague  Ni nduûme cia antû bonthe.

187. Mürungu gwe Müümbi

 1.  Mürungu gwe Müümbi,  Nigwe waathiriirie Muundu jwa nthi  Igua tukiromba,  Thaarira antu nkoro Thiria muundu junthe  Kûgîe werũ. 2.  Jesû nîweejire Kworia baria aajie  O na bionje  Atumumu boone,  Na akuũ bagîe mwoyo  Na kîrî antũ bonthe  Kügîe werû. 3.  Kirundu wa wendo,  Mwejani wa mwoyo  Ija ntûti  Kuria kunthe kûrî;  Ikaro bia muundu  Ûtüme gücoke  Kûgie werû. 4.  Murungu Ûbathatu  Nigwe Weru bwa antũ,  Mwene - inya  Wendo ona thiîri;  Bikinyîre antu  Na nthigürû yonthe  Kûgie werũ.

188. Nkwîja ntige muundu na kîeba

 1.  Nkwîja ntige muundu na kîeba,  Nkwîja o nandi, gwaku Jesû;  Ûnthaure mpuume ukombo-ne,.  Nkwîja gwaku Jesû.          Ni mbajiitue,      ndeeja ümborie,      Na ünthiririe ûkîa bwakwa;      Ntige meeyia mbije kiri gwe,      Nkwija gwaku Jesû. 2.  Irema riakwa na wînyangia,  Nîngütiga, mbije gwaku;  Ntongagirue ni Mûtharaba,  Nkwija gwaku Jesû.  Ngütiga meeyia umpe thiîrî,  Unogokie ntikaithangîkie;  Mpebeeria rwakaï nkwinagire,  Nkwija gwaku Jesû. 3.   Ngütiga rambu na rwikumio,  Nkwija o nandi, gwaku Jesû;  Umbathage na ûnkaragie,  Nkwija gwaku Jesû.  Ntige kwing'ania, nkwirîgiïre,  Ntige kieba, ncigwiragîrue;  Mbuurükage nkaurîra mookîa,  Nkwîja gwaku Jesû. 4. Ngütiga uguaa na îoru,  Nkwija o nandi, gwaku Jesû;  Ûnthaarîre na weru bwaku,  Nkwija gwaku Jesû.  Ntige kwinyaanga...

189. Nguciejana kîrî Jesû

 1.   Nguciejana kîrî Jesû:  Nkûmûa mwoyo jwakwa.  Ndîmwirigîre na mwende  Into biakwa ndîmûe.       Nguciejana b'ru.       Nguciejana b'ru:       Kiri Jesû Mûmbonokia.       Nguciejana b'ru. 2.   Nguciejana kîrî Jesû.  Ningi mwinamirire:  Ngutiga miago ya nthì ìjì.  Njukia Jesû o nandi. 3.  Nguciejana kiri Jesû. Nteethia mpe waku nandi. Mbujuria Kirundu waku, Menye ndi waku wonthe. 4.  Nguciejana kîrî Jesû,  Ngukwiritira nandi:  Mbujuria inya na wendo.  Na ûntharime Jesû. 5.  Nguciejana kîrî Jesû,  Anteethagie kwagira;  Mpa kugwirua kwa wonokio,  Nkumagie riitwa rîaku!

190. Nindakwirituire tharike na mwoyo

 1.  Nindakwirituire  tharike na mwoyo.  Nikenda üükire  na uume gikuu-ne:  Nindakwiritiire  nimbi ükünditira? 2.  Ndaritaga ngugi  ya miaka imingi,  Ûkoone kügwirua  nthî îjî na Igürü.  Nindakwiritiire  nimbi ükünditira? 3.   Ndaumire kwa Baaba  kügwirue-ne kwingi.  Ndakara nthigürûnkiona  ûkia bûbwingi.  Nindakwiritiire  nimbi ükünditira? 4.  Nindathiniirue mma  au Mütharabe-ne,  Gikuũ gia Shaitani  gîtîkarîküumbe.  Nindakwiritiire  nimbi ükünditira? 5.   Nindakureteere  mwoyo jwakwa jungwa,  Na kinya wonokio  na wendo na thîîrî.  Nindakwiritîîre  nimbi ükünditira? 6.  Umpe mwoyo jwaku  nkoro yakwa ndene,  Magita ja ukia  kinya ja kûgwirua.  Gwe numpendeete mma  nîngûkwiritira.

191. Murungu igua kiao,

 1. Murungu igua kiao,  Ona utûtharime;  Twonie tuuria yaku nandi, Na ûtwee werũ bwaku. 2.  Na mathithio jaku,  Jamenywe aja nthĩ;  Migongo yonthe îmenye.  Wonokio bûu bwaku 3.  Mwathani antů bonthe.  Nibakugoongage,  Nayo migongo igwirue,  Ikwinire ndwimbo. 4.  Ûkabagambira,  Ûgambe bwega mma;  Migongo yonthe yanthi îji,  Nigwe ükamiathaga. 5.  Mwathani antû bonthe,  Nibagukumagie;  Baanene kinya baanini,  Bakugoongage Gwe. 6.  Küri na maketha,  Jaumite miunde-ne;  Mürungu agatüretera,  Kitharimo kïawe. 7.  Agatütharima,  Na antu bonthe nabo;  Ituri bionthe bia nthi îjî,  Bamwathîkagire.

192. Baria bwendeete Jesû

 1.  Baria bwendeete Jesû,  Tûmîîrieni wonokio;  Bûtûmîîrie antũ bonthe, Jesû niwe Mwonokia.        Ningwiritue mono mma (Haleluia)       Ni gwitikia Mwathani (We Jesû)       Aambîthîîre ncirigitwe (ncirigîtwe)       Akindita meeyie-ne 2.  Buĩ barĩa bütümîtwe,  Kiri ng'ondu irĩa ciûrîte;  Iteni bûkabeere atîrî,  Wonokio i bukinyîte. 3.  Tharike ya Jesû Kristo,  Niyo itûtheragia;  Na barĩa barî meeyie-ne,  Niyo îboonokagia. 4.  Ningwiragua ni tharike,  Niyo ithambagia nkoro:  Aambithiire ndi meeyie-ne.  Akintheria nkoro b'ru.

193. Mwathani nantumîte

 1.  Mwathani nantumîte - Alleluia  Thikira ntumwa ya Jesû.  Nteto ciawe ciugite - Alleluia  Mütege, witîkie, wonoke.îû      Mütege, witîkie, wonoke.      Mütege! Ûewe mwoyo!       Tega Jesû Mwejani       Nitwiritwe ni Jesû - Alleluia       Twamwitikia tukoona Mwoyo. 2.  Ndi na ntumwa ya wendo- Alleluia  Bwa mucoore wetu twinthe,  Ya wirane bûbwerũ - Alleluia  Buria twariîkanîîre nawe. 3.  Ûkûnenkerwa mwoyo - Alleluia  Mwoyo jutikorothira.  Jesû nîwe Mwonokia - Alleluia  Wamwîtîkia agakwoonokia.

194. Antũ riteni ngũgĩ

 1.  Antũ riteni ngũgĩ,  Gütiratuka;  Bwije o karûkîîrî,  Riũa riaratha,  Bwîje kuri kainda,  Rîrîa bûrî na inya;  Ngugi-e-Murungu înyingi,  Nîrîtwe mono! 2.  Antu rîteni ngügi, Gütiratuka:  Büriteni müthenya.  Riûa rîarîte, Riteni ngûgi bwega,  Bütî na ûthao:  Ngugi-e-Mürungu inyingî.  Niritwe na wîru! 3.  Antûriteni ngũgi,  Gutiratuka;  Kinya ûgoro nabu,  Riua rienama,  Tigeni kwenda kunoga;  Kana gukara nthĩ;  Ngugi-e-Murungu înyingi.  Niritwe mono! 4.  Antu riteni ngũgî,  Na bukanoga;  Burîtîre Mûrungu,  Müthenya junthe,  Ngugi nî ya ûnene, Bwa Mwathani wetu:  Riteni ngũgi yawe,  Gütiratuka.

195. Iuku rîtheru ria

  1.  Iuku rîtheru ria  Baba ni rîturitanaga;  Tümüthikiire na matu  ja nkoro na ja mwîrî; Kirira kiawe tukîthingate. Maandiko matheru tuthingate.  (Jesû ariuga).   Baaba menya wîja küjütema x2    Mpa mwaka jûmwe nkajûrimîre.    Na mborea njwikîre njûcae.    Jwaga maciara tüteme tukajwakîîrie. 2.   Mboogita ncobi na bangi.  Ni mwiri bithüükagia:  Jesû arigwita wonoke,  Na nyonta yaku îthire,  Warega gwitika arikwira ati,  Ntüüru yeerekeretue gîtina. (Jesû ariuga). 3.  Jesû arî rwanda na  Aritwa ni boniire müküü,  Jwaga maciara jwarumwa  juroma mwanka miri;  Waga maciara mwiïyia ukarumwa,  Waga maciara jaku ukarumwa.  (Jesû ariuga) 4.  Waarega Jesû  ndikwîra ntüüru niyerekereetue  Gwe müthüngüri  ndikwîra ntüüru nîyerekereetue  Watua gutemwa gütiwe utiigua; Watua kunyaara gûtîwe ûtîona,  (Jesû ariuga).

196. Itikia Murungu webeere thina

 1.   Itikia Murungu webeere thina.  Agakwonagia mantũ jamega: Na akwebeerie jonthe jarĩa maai.  Ûgie rûgai nîuntu bwa Jesû.     Umwitikie We.      Umwitikie We:      Umwitikie We:      Naumwiraiye We. 2.  Itikia Mürungu ütümîîrie bangi. Baria batimwijî baigue kaju: Ûbamenyithie ruteto rwa Jesû. Baume mundu-ne beeje weru-ne. 3.  Îtikia Murungu nomenyage ati.  Weetikia Murungu agakwonokia:  Baria bakuîte nabo bakariuka,  Na uria ugwite akarûngama. 4.  Itikia Murungu ni weru bwaku,  Ūgwate njira ya gwitia Îgûru;  Ūumbîte mantu jonthe ja nthîgûru,  Ūkanogoke amwe na Jesû.

197. Ndîîta o uu njara iti gantu

  1.  Ndîîta o uu njara iti gantu  Nthagane Mükûûri wakwa,  Ni ntina ûngi tukamûkethie;  Ndina kuthangîka kwingi.      Njara intheri ndîîta o uu,      Ntüünge Müküüri wakwa,      Ni ntina ungi, tukamukeethie,      Njara intheri ndîîta o ûû? 2.   Gîkuû gûtîkîo ntîna nkanja,  Mwonokia ambonoketie nandĩ;  Ndîta o ûû njara îti gantû,  Mbîrîgîîrîte Îgûrũ. 3.  Ûtüüro-ne bwakwa bunthe,  Ndomba gwîta bau bangî:  Kenda nkaboonie Mümbonokia,  Ngwîragua mono nîwe. 4.  Na bui atheru ükîîreni,  Türite ngügi müthenya,  Ûtukû bwengeerie gükinya,  Türite ngûgî yawe nandî.

198. Mwathani aathanire

 1.  Mwathani aathanire,  îteni nthi yonthe,  Bügatüme antü,  ba migongo yonthe;  Bae aritwa bakwa.     Nüûügwita      akaumbüre Jesû,      Atümirie Nkuma îjî njega      Auge, “Unene bwa Îgürû”     Ibüthengeerete". 2.  Kîrîndî kîa nthî îjî  gîtuîke kîa we  Jesû aambirwe  Mûtharabe-ne;  Akîthînua mono. 3.  Nüû ükwigîîrua kiao,  ngiri iu nyingi,  Bau bari muundu-ne  bamenye Jesû;  Nabakuîrîire? 4.  Murungu wendo  bwaku aja bûjurue  Antu bonthe baku bauge,  "Amen, Jesû niatûmîîrue".

199. Antu ba Meru igueni

1.      Antu ba Meru igueni  Nteto cia Wonokio  Büria bwejire nthîgürû Ni üntû bwa Jesû  Aatümirwe ni Mürungu  Kenda agatwonia  Ati Mürungu ni Baaba  Na úria 'twendaga. 2.  Niwe Mwana wa Mürungu  Indi neenamire,  Araciarwa ja gakenke  Aratiga mwago.  Niatethagia atumumu  Niebagia mirimo  Kinya aariukirie akuũ  Bookire gikuûne.   3.  Bamwe ibaamûmenaga  Na baramüüraga;  Baramücuria muti-ne  Aanyamarua mono.  Indi Jesû noombanire  Naaumire gikuű-ne,  Nawe areeta Igürü,  Gütüüra kwa Ithe. 4  Nandi Jesû ateethagia  Baria bamuromba Arî akui natuî twinthe  Kenda atwonokia;  Kethira tukamwitikira  Na nkoro cietu mma,  Agatwikia kuu Îgürü,  Tugwirague kenya.

200. Ni mbi uri nayo utaeerwe?

 1.  Ni mbi uri nayo utaeerwe?  Gûtî-kio ndi nakĩo ni ntaaerwe,  Menya ukara ta utaeerwe  Kumithia Murungu na kiria uri nakło.    Nteethia ngukumithagie     Na kiria kionthe ndîna kio     Jûkia nkoro, mwîrî, mathugania,     Bigukumithagie gwe Mwathi wakwa. 2.  Ndienda mpuumbure nîndaeerwe  Ndiumbura na mbi nîndaeerwe?  Into biakwa ndi o mũmenyeeri  Na ni nkauga uria bitumagîrwa.

201. Cia Mürungu cia mwoyo; Menye gitüm

 1.  Mbira nteto jamaingi.  Cia Mürungu cia mwoyo;  Menye gitümi giacio. Nteto ciawe cia mwoyo.  Nicio ciathanaga,      Ciathanaga kirira.     Nteto injega cia Murungu,      Nteto injega cia mwoyo:     Itikia nandi nteto ciawe.     Nteto ciawe cia mwoyo. 2.  Kristo naejanaga,  Nteto ciawe cia mwoyo;  Eeyia baba îtîkieni,  Nteto ciawe cia mwoyo,  Muntu akaathîka;  Ageeta kwa Murungu. 3.  Ritaneni antu bonthe,  Nteto ciawe cia mwoyo;  Kenda antu baboorere,  Na ni kenda bo boonokue,  Jesû ütütherie; Nandi mwanka kenya.

202. O müthenya Mwathi wakwa

 1.  O müthenya Mwathi wakwa,  Ngeetanagia nagwe gwenka;  Nkithugania, mbaria na nthithia,  Nogwe gwenka nkaamenyaga. 2.  Ngugi iria ümberekeeretie.  Na üüme büükinyaniru:  Miritage o ngwiritue,  Tontù ndi metho-ne jaku. 3.  Ndigwika rüteere rwakwa,  Rwa ûrio ûtuîke münthüüja;  Nthumbage nkiathagwa nigwe,  Ngütigire ümenyeeri. 4.  Biewa biria umpeete na magi;  Mbiriitithie ngugi bwega Mbitage mbere ndi o nagwe,  Mpumbanage o bubwega. 5.  Mpumbithia njukie gîcoki,  Nciigague riria nkŭromba;  Mbeteerete ntuku iria,  Ūgaacoka ûri na mwago.

203. Riria Coro ya Mwathani

  1.  RiriCoro ya Mwathani  ikaringwa Îguru,  Gükie ikia riria rîtîgatuka;  Antu baria boonoketue  ni tharike ya Jesû Beetwa kinya ni ngeetanîrua nabo.    Kinya gwe, nukwenda gwitwa ?     Kinya gwe, nukwenda gwitwa ?     Ûgeetwa na riitwa riaku,     Ndiiria Mwathani ageeta atheru? 2.  Ndiiria Mwathani  ageeta baria bari na mwoyo.  Kinya baria baakuite akabeeta:  Mbirira ikaruguka  boothûrane nde ome. Ataare atheru baane Igürü. 3.  Twetagiireni Mwathani  mwanka riria tügeetwa  Ni Mürungu üria ûri wa kiao:  Tügerieni gütethania,  tümüritire ngugi.  Nikenda mariitwa jetu jaandikwa.

204. Rükiri kuri kainda

 1.  Rükiri kuri kainda  rîria mikui yonagwa:  Niko kagita gakeega  ga kwaria na Mürungu.        Mutana o-ba. Mutana o-ba.     Mwari wa cia. Mwari wa cia:      Ukiira wiroombere.     Ukeeja kwaîîrua ni toro.      Ukwawua ni itharimo. 2. Ugaciukia metho wokîîra  wone irima bikeembuki:  Nayo nkamia igwite bwega,  ukeeja kûmamira. 3.   Mününgüûru jwa ncamba  jumathaaga igita riu:  Ûkenda kumaatha taju,  rombaga îgita riu. 4.  Kristo ûria waatukuîrîre okagîîra o ta riu  Ûkenda gükara tawe  ukaagîîra o ta rio.

205. Rüûkîîri tüaande

  1.  Rüûkîîri tüaande,  mbeu cia wendani  Tuande îkira nyoni,  na kinya ûgoro:  Jesû neteereete  rîria tugaketha.  Tükamüreetere maketha jetu.     Twareete imanja (Alleluia),     twareete imanja     Tweja tugwiritue na tukiangagia     Twareete imanja (Alleluia),     twareete imanja    Tükagwirua mono twamüretere 2.  Twaandeni riue-ne,  ona mung'unyee-ne,  Kinya kuri matu,  kana mpio-ne;  Twathiria güketha,  na ngugi yathira,  Tükamüreetere maketha jetü. 3.  Aandireni Jesû,  na bümürirîîre  Kinya bwona mookia  na maithikîîra  Twathiria güketha,  We agatüjükia  Tümüretereete maketha jetu.

206. Iteeni bugacwe antũ bonthe

  1.  Iteeni bugacwe antũ bonthe Beeje gwakwa  Baria bonthe batwire bari atae Bûboonagie riitwa ria Ithe  Na Mutana Na Kirundu Ûmütheru boonokue.      Iteeni bûtume antũ bonthe      Iteeni bûtume,      Batongeerieni bacokue urîîthi-ne       Iteeni bugacwee       Batongeerieni       Iteeni bugacwee muntu o kwao      Baria bonthe batwire bari atae 2.  Nüû naû baria bageeta Kübeeraga? Batiküüria minoga kana ûkia Batiigua nthao cia Riitwa ria Ithe  Na ria mwana Babatongeerie bacookue urithi-ne. 3.  Baria bati mbarû bamwitikia  Ka bakaura Baria batiitikîtie Riitwa riawe Baria batiiji bakauga atia? Na bateerwa  Ni kwaga antu ba kübatongeeria.

207. Unene na inya ni biaku gwe Murungu

 1.   Unene na inya ni biaku gwe Murungu,  Na gukumua na kuumbana ona gwikiirwa;  Ni kwîthirwa into bionthe biria biri nthigûru, Na Iguru no biaku.      Tümügoonge tümükaathe,       Mweejani wa into bionthe;      Tümügoonge tumwîkîîre,       Mürungu wa Igürûna nthĩ. 2.  Gwîkîîrwa na utonga biumaga kwa Murungu,  Inya ha uumbani biri njare-ne ciawe;  Na kuneneania kuri-o njare-ne yawe,  Munene wetu Mürungu. 3.  Miiri na mioyo yetu tueetwe ni Murungu,  Ithaka na ng'ombe, mbeca kinya thaabu;  Tontû büû tükümücokeria biewa, biawe.  Twendeete na nkoro. 4.  Türikügoonga Mürungu na tugagukumia,  Ni gütweethia amenyeeri ba into biaku;  Batui turi ageni na ageendi gükûnthĩ,  Türi njare-ne ciaku.

208. Raîîreni Mwathani

 1.  Raîîreni Mwathani  Ibuï njuuri ciawe  Ûkurieni Mütharaba  Tontu niju rwano;  Twajwethia rong'o yetu  Gütirio tûkariumbwa  Tükeenga anthu betu  Jesû aathanage. 2.  Raïireni Mwathani Igueni rûgoji Rwawe nîrüküringwa  Kenda tüüthürana Ibui mbîtîka ciawe  Ûkiireni bwarwigua  Bûkamakua ni anthu  Iteni na inya 3.  Raîîreni Mwathani  Jukieni mathaga  Jaria jakabuteethia  Büthirie mothüüku  Na ningi rombageni  Kenda bûmenyagîïrwa  Kinya bugakirimanua Tigeni kumaka 4.   Raîîreni Mwathani Bûkanogokeni;  Umagîîrieni mokia  Tegeni bwa mbere  Na úria ûkoombana  Akoona mwago kwawe Ningi agaatüraga  Amwe na Mwathani